Dwar it-tipi differenti ta' sistemi Ewropej ta' kejl tan-nitrati 

Il-petizzjonant isostni li l-implimentazzjoni tar-Regolament Ewropew dwar il-Fertilizzanti tfisser li t-traspożizzjoni tad-Direttiva dwar in-Nitrati ġiet ittardjata b'diversi snin. Fl-opinjoni tiegħu, madankollu, hemm problemi bir-riżultati tal-kejl madwar l-UE, peress li l-istazzjonijiet tal-kejl fl-Istati Membri ma jkejlux bl-użu tal-istess standards u għalhekk ma jistgħux jitqabblu ma' xulxin faċilment. Dan jikkawża wkoll problemi ta' kompetizzjoni fl-agrikoltura Ewropea. Il-petizzjonant jistaqsi kif l-UE se tiggarantixxi l-komparabbiltà tal-istazzjonijiet tal-kejl madwar l-Istati Membri, jekk hemmx għarfien dwar id-differenzi bejn is-sistemi tal-kejl fl-UE u jekk regolament tal-UE dwar l-istazzjonijiet tal-kejl jistax iwassal għal riżultati komparabbli.