Dwar allegat ksur tad-drittijiet tal-priġunieri fil-Bulgarija  

Il-petizzjonant jilmenta dwar il-fatt li fil-Bulgarija m'hemmx rimedji u proċeduri effettivi għall-protezzjoni reali tad-drittijiet protetti mill-Konvenzjoni Ewropea dwar id-Drittijiet tal-Bniedem, il-Karta tad-Drittijiet Fundamentali tal-Bniedem, it-Trattat tal-Unjoni Ewropea u t-Trattat dwar il-Funzjonament tal-UE għal priġunieri b'sentenza ta' għomorhom il-ħabs u għal priġunieri oħra b'sentenzi qosra. Il-petizzjonant isostni li hemm trattament diskriminatorju tal-priġunieri. Huwa jallega li drittijiet bħall-komunikazzjoni umana normali, l-edukazzjoni u x-xogħol, il-kura tas-saħħa, il-protezzjoni quddiem l-awtoritajiet ġudizzjarji jinkisru b'mod aħrax mill-amministrazzjoni tal-ħabs. Il-petizzjonant jirreferi għall-każistika tal-Qorti Ewropea tad-Drittijiet tal-Bniedem u diversi atti tal-Unjoni Ewropea, meqjusa bħala mhux implimentati fil-Bulgarija.