Dwar allegat ksur tad-dritt tal-Unjoni dwar il-protezzjoni ta' persuni koperti mid-Direttiva tal-UE dwar il-prevenzjoni tal-ħasil tal-flus u l-finanzjament tat-terroriżmu  

Il-petizzjonant iressaq ilment lill-Parlament Ewropew li Spanja qed tikser id-dritt tal-Unjoni dwar il-protezzjoni ta' persuni koperti mid-Direttiva tal-UE dwar il-prevenzjoni tal-ħasil tal-flus u l-finanzjament tat-terroriżmu. Il-petizzjonant jilmenta li l-impjegati u l-maniġers fis-settur finanzjarju li, wara li jwettqu d-diliġenza dovuta u skont ir-regolamenti tal-UE, m'għandhom l-ebda għażla ħlief li jirrapportaw operazzjonijiet ta' ħasil tal-flus, huma soġġetti għal ritaljazzjoni mill-awtoritajiet Spanjoli. Il-petizzjonant jinnota wkoll nuqqas ta' imparzjalità min-naħa tal-awtoritajiet legali, in-nuqqas tagħhom li jipprovdu appoġġ u l-ksur tagħhom tad-drittijiet fundamentali.