F'isem l-Assoċjazzjonijiet "Verein Südleben" u "Scheidgraben Neighbour Citizens", dwar ksur possibbli tad-Direttiva Qafas dwar l-Ilma f'Hessen 

Petition addressed to: Petitionsausschuss des Europäischen Parlaments

Il-petizzjonant jiġbed l-attenzjoni għas-sitwazzjoni tal-passaġġi tal-ilma fir-"Ried ta' Hessen". Huwa jsostni li meta jkun hemm għargħar il-passaġġi tal-ilma inkwistjoni ma jistgħux jibqgħu jgħinu bid-drenaġġ, bir-riżultat li ż-żona qed tkun mimlija għadajjar. Huwa tal-fehma wkoll li l-problema tirriżulta minn nuqqas ta' azzjoni min-naħa tal-awtoritajiet. Fl-opinjoni tiegħu, dawn ma għamlu xejn biex jiżguraw li l-passaġġi tal-ilma jkunu jistgħu jaġixxu bħala kanali tad-drenaġġ; huma mimlija ħama u ma nħoloq l-ebda kanal fil-ġnub. Huwa jallega li l-awtoritajiet kompetenti infurmawh b'mod żbaljat li l-fatt li ma hemmx xaqliba għamel id-drenaġġ impossibbli f'din iż-żona. Għalhekk, huwa jakkuża lill-awtoritajiet muniċipali u dawk statali li naqsu milli jikkonformaw mad-Direttiva Qafas dwar l-Ilma (2000/60/KE tat-23 ta' Ottubru 2000, kif ġiet trasposta mid-Direttiva dwar l-Ilma ta' Hessen).