F'isem FADES (l-Assoċjazzjoni Spanjola tal-Familji Ospitanti), dwar minuri taħt kustodja 

Il-petizzjonant jiddikjara li l-minuri li jgħixu taħt kustodja fi Spanja u li l-ġenituri tagħhom huma ċittadini Rumeni, bħala riżultat ta' negliġenza mill-familji bijoloġiċi tagħhom, jgħixu f'sitwazzjoni li tirrestrinġi d-drittijiet tagħhom billi m'għandhomx ċittadinanza definita. B'riżultat ta' dan, l-aċċess tagħhom għal assistenza soċjali huwa ristrett, speċjalment għat-tfal l-iktar vulnerabbli b'diżabilità. Il-petizzjonant jitlob lill-awtoritajiet kompetenti biex isolvu s-sitwazzjoni u jgħinu lill-familji ospitanti kkonċernati.