Petition is addressed to: Petitionsausschuss des Europäischen Parlaments

Il-petizzjonant jiddeskrivi d-diffikultajiet li ltaqa' magħhom ma' diversi istituzzjonijiet fil-Kroazja responsabbli għall-ħruġ u l-awtentikazzjoni ta' dokumenti relatati mal-kwalifiki edukattivi u professjonali. Il-petizzjonant b'mod partikolari jenfasizza l-piżijiet mhux dovuti li dawn il-proċeduri twal u għaljin għandhom fuq persuni b'introjtu baxx, li ħafna drabi jirrikjedu vvjaġġar lejn Zagreb minn reġjuni aktar foqra tal-Kroazja, minħabba li l-proċeduri inkwistjoni apparentement ma jistgħux isiru f'xi post ieħor fil-pajjiż. Il-petizzjonant iqis li huwa ġie mfixkel fit-tentattivi tiegħu li jsegwi opportunitajiet ta' xogħol fi Stati Membri oħra tal-UE bħala riżultat ta' dan. Huwa jiddikjara wkoll li l-ilmenti tiegħu lil diversi awtoritajiet nazzjonali u universitajiet qatt ma kienu suċċess.