Dwar l-obbligu tal-ħaddiema li jaħdmu bejn il-fruntieri biex jirreġistraw għall-assigurazzjoni tas-saħħa f'żewġ Stati Membri  

Il-petizzjonant jitlob li titneħħa l-assigurazzjoni tas-saħħa obbligatorja għall-ħaddiema li jaħdmu bejn il-fruntieri, peress li dawn il-ħaddiema huma assigurati fl-Istat Membru ta' residenza tagħhom skont ir-reġim tal-assigurazzjoni tas-saħħa. Skont il-petizzjonant, tali ħaddiema ma jużaw l-ebda kura tas-saħħa fl-Istat Membru fejn jaħdmu. Huwa jirreferi għall-ġurisprudenza li tiġġustifika li ċ-ċittadini ma jistgħux ikunu obbligati jirreġistraw għal assigurazzjoni li dawn ma jixtiqux ikollhom.