Dwar ir-rifjut tal-ġudikatura li timplimenta s-supremazija tal-liġi tal-Unjoni Ewropea fil-Bulgarija b'rabta mad-Direttiva tal-Kunsill 93/13/KEE 

Petition addressed to: Petitionsausschuss des Europäischen Parlaments

Il-petizzjonant jilmenta dwar ir-rifjut tal-ġudikatura li timplimenta s-supremazija tal-liġi tal-Unjoni Ewropea fil-Bulgarija. Skont il-petizzjonant, il-leġiżlazzjoni Bulgara fiha dispożizzjonijiet legali li jmorru kontra d-Direttiva tal-Kunsill 93/13/KEE dwar termini inġusti f'kuntratti mal-konsumatur, għall-Artikolu 47 tal-Karta tad-Drittijiet Fundamentali tal-Unjoni Ewropea u għall-prinċipju tal-effiċjenza. Huwa jallega li hemm ksur fl-implimentazzjoni tal-proċeduri tal-Ordni u l-Infurzar fil-Bulgarija, parti mill-Kodiċi tal-Proċedura Ċivili Bulgara li b'riżultat ta' dan ħafna ċittadini Bulgari huma affettwati. Il-petizzjonant isostni li l-ġudikatura ma toħroġx ċerti atti ġudizzjarji, u dan iwassal biex il-kawżi jkunu fil-bidu vizzjużi. Huwa jallega wkoll li d-drittijiet proċedurali tad-debituri huma spiss miksura u hemm nuqqas ta' superviżjoni fuq l-azzjonijiet tal-bailiffs privati.