Dwar ir-reviżjoni tal-ftehim dwar it-taxxa bejn Franza u l-Portugall 

Il-petizzjonant jilmenta dwar il-ftehim dwar it-taxxa konkluż bejn Franza u l-Portugall għall-evitar ta' tassazzjoni doppja. Skont dan il-ftehim, l-introjtu dderivat mill-pensjoni tal-irtirar huwa taxxabbli mill-Istat tar-residenza tal-individwu. Għalkemm il-petizzjonant jgħix fil-Portugall, huwa ħadem u ħallas il-kontribuzzjonijiet tas-sigurtà soċjali tiegħu fi Franza għall-aħħar erbgħin sena. Għalhekk, il-petizzjonant iqis l-applikazzjoni tal-liġi tat-taxxa Portugiża għall-introjtu tiegħu bħala inġusta u illoġika.