Dwar il-protezzjoni tal-għasafar migratorji fl-Unjoni Ewropea 

Petition richtet sich an: Petitionsausschuss des Europäischen Parlaments

Il-petizzjonant jgħid li Malta hija l-uniku pajjiż fl-UE li japplika deroga jew eċċezzjoni għad-Direttiva 2009/147/KE tal-Parlament Ewropew u tal-Kunsill tat-30 ta' Novembru 2009 dwar il-konservazzjoni tal-għasafar selvaġġi. Il-petizzjonant jinnota li l-implimentazzjoni ħażina ta' din id-Direttiva qiegħda tikkawża l-mewt ta' eluf ta' membri ta' speċijiet vulnerabbli, bħalma huma s-summien jew il-gamiem. Il-petizzjonant jgħid li l-Qorti tal-Ġustizzja tal-Unjoni Ewropea ddikjarat li l-awtoritajiet Maltin qegħdin ikomplu jippermettu l-insib illegali tal-għasafar, bi ksur tal-leġiżlazzjoni tal-UE. Il-petizzjonant jitlob lill-Parlament iniedi investigazzjoni bir-reqqa dwar din il-kwistjoni u jitlob lill-Kummissjoni tieħu l-passi xierqa sabiex tħeġġeġ lil Malta tikkonforma b'mod strett u sħiħ mad-Direttiva tal-UE dwar l-Għasafar billi tipproteġi l-għasafar migratorji u tieħu ħsieb l-ambjent naturali tagħhom kif xieraq.