Dwar il-ħtieġa għal investigazzjoni indipendenti dwar il-protezzjoni ta' persuni li jirrapportaw dwar ksur tad-dritt tal-Unjoni (każ personali) 

Petition addressed to: Petitionsausschuss des Europäischen Parlaments

Il-petizzjonant jallega li waqt li kien qed jaħdem bħala spettur tax-xogħol fl-Irlanda, huwa kkonstata bosta nuqqasijiet mill-impjegaturi għal dak li jikkonċerna l-konformità mal-leġiżlazzjoni tax-xogħol. Il-petizzjonant ressaq it-tħassib tiegħu dwar dawn l-irregolaritajiet lis-superjuri tiegħu, iżda ma ħadu l-ebda azzjoni. Il-petizzjonant għalhekk iddeċieda li jibda proċedura formali għall-għoti ta' informazzjoni dwar ksur skont id-dritt Irlandiż. Il-petizzjonant jiddikjara li mill-mument li nieda dik il-proċedura sa meta rtira, huwa kien soġġett għal miżuri dixxiplinari u intimidazzjoni mis-superjuri tiegħu. L-għan tal-petizzjoni tiegħu huwa li jipprotesta kontra s-sitwazzjoni li kien soġġett għaliha bħala impjegat tal-Kummissjoni għar-Relazzjonijiet fuq il-Post tax-Xogħol (WRC), fejn huwa jqis li s-superjuri tiegħu aġixxew bħala mħallfin u partijiet fil-proċess.