Dwar id-dritt li wieħed jiġi edukat bil-lingwa materna tiegħu 

Petition addressed to: Petitionsausschuss des Europäischen Parlaments

Il-petizzjonant jilmenta li d-dritt tiegħu li jiġi edukat bil-lingwa materna tiegħu matul l-istadji tal-edukazzjoni bikrija tat-tfal qed jinkiser b'mod sistematiku fis-sistema edukattiva tal-Katalonja mingħajr ma l-awtoritajiet tal-edukazzjoni jieħdu l-passi biex jipprevjenu dan. Dan il-ksur iseħħ b'mod li jkun degradanti għat-tfal u l-familji tagħhom. Ħafna drabi jintużaw termini diskriminatorji, xi kultant anke diskors ta' mibegħda, u dan jestendi f'ħafna każijiet fil-midja uffiċjali, li hija ffinanzjata bi flus pubbliċi. Skont il-petizzjonant, dan jista' jidher fuq l-istazzjonijiet tat-televiżjoni Katalani u b'mod partikolari fuq TV3. Il-petizzjoni titlob li ssir investigazzjoni tal-fatti stabbiliti, peress li skont il-petizzjonant dan mhuwiex possibbli permezz tal-korpi tas-sistema awtonoma ta' spezzjoni fl-iskola peress li mhumiex se jieħdu azzjoni f'ismu.