F'isem Plataforma Ciudadana "Salvemos Meca y Sus Comarcas", dwar il-bini ta' razzett tal-majjali enormi u impjant ta' bijogassifikazzjoni fil-muniċipalità Spanjola ta' Ayora (Valencia) u l-madwar 

Petition richtet sich an: Petitionsausschuss des Europäischen Parlaments

Il-petizzjonant jgħid li kumpanija bniet razzett tal-majjali enormi u impjant ta' bijogassifikazzjoni f'Ayora (Valencia) mingħajr ebda informazzjoni preċedenti liċ-ċittadini jew lill-gruppi politiċi mhux rappreżentati fil-kunsill tal-belt. Barra minn hekk, l-istess kumpanija talbet l-awtorizzazzjoni sabiex tibni tliet irziezet tal-majjali enormi oħrajn maġenb l-ewwel wieħed. Il-petizzjonant jistieden lill-Kumitat għall-Petizzjonijiet sabiex iħeġġeġ lill-Kummissjoni tinvestiga l-allegat ksur tal-leġiżlazzjoni tal-UE dwar ilma, ħabitats u fawna u flora selvaġġa, valutazzjoni tal-impatt ambjentali u anke fuq l-aċċess għal dokumenti uffiċjali. Il-Kummissjoni jenħtieġ li tieħu wkoll il-passi meħtieġa sabiex tobbliga lill-amministrazzjonijiet ikkonċernati sabiex jikkonformaw mal-leġiżlazzjoni tal-UE. Il-Parlament Ewropew jenħtieġ li jadotta Direttiva speċifika dwar farms bi trobbija intensiva tal-bhejjem u jħeġġeġ lill-Kummissjoni sabiex tivverifika jekk proġetti żviluppati b'fondi tal-UE jikkonformawx mal-leġiżlazzjoni tal-UE rilevanti.