F'isem l-EU Rights Clinic, dwar l-implimentazzjoni tad-Direttiva 2004/38/KE fl-Iżvezja 

Petycja skierowana do: Petitionsausschuss des Europäischen Parlaments

Il-petizzjonant jiddenunzja d-dewmien tal-awtorità tal-migrazzjoni Żvediża (Migrationsverket) biex toħroġ karti ta' residenza lill-membri tal-familja mhux tal-UE taċ-ċittadini tal-UE li qed jgħixu fl-Iżvezja. Skont il-petizzjonant, dan id-dewmien jikkostitwixxi ksur tad-Direttiva 2004/38/KE tal-Parlament Ewropew u tal-Kunsill tad-29 ta' April 2004 dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri.Fil-fatt, filwaqt li d-direttiva tistabbilixxi limitu ta' żmien ta' sitt xhur għall-ipproċessar tal-applikazzjonijiet ta' residenza, il-petizzjonant jallega li l-proċedura fl-Iżvezja xi drabi tista' tieħu sa sentejn. Dan id-dewmien jipprevjeni lill-membri tal-familja kkonċernati milli jeżerċitaw id-dritt tagħhom li jaħdmu u jiċċaqilqu fi ħdan l-UE.Għalhekk, il-petizzjonant jitlob lill-Parlament Ewropew jieħu pożizzjoni soda fir-rigward tal-kwistjoni; fost affarijiet oħra, huwa jistieden lill-Kumitat għall-Petizzjonijiet biex joħroġ rapport fuq inizjattiva proprja dwar il-kwistjoni u biex jissottometti mozzjoni qasira għal riżoluzzjoni mill-Parlament Ewropew.