F'isem is-Stonehenge Alliance, dwar l-iskema A303 Stonehenge Expressway u d-Direttiva VIA 

Petition addressed to: Petitionsausschuss des Europäischen Parlaments

Il-petizzjonanta tallega li l-applikazzjoni li ġiet ippreżentata mill-kumpanija tal-Istat Highways England għal Development Consent Order (Ordni ta' Kunsens għall-Iżvilupp - DCO) għall-iskema tat-toroq A303 Stonehenge matul is-Sit tal-Patrimonju Dinji ta' Stonehenge, li għandha tiġi eżaminata mill-ispetturi tal-ippjanar maħtura mill-Gvern aktar tard din is-sena, tikser id-Direttivi tal-UE u l-konvenzjonijiet internazzjonali li ġejjin:(i) Id-Direttiva 2014/52/UE dwar il-valutazzjoni tal-effetti ta' ċerti proġetti pubbliċi u privati fuq l-ambjent (id-Direttiva dwar il-Valutazzjoni tal-Impatt Ambjentali);(ii) Id-Direttiva 92/43/KEE dwar il-konservazzjoni tal-ħabitats naturali u tal-flora u l-fawna selvaġġa (id-Direttiva dwar il-Ħabitats);(iii) Id-Direttiva 2009/147/KE dwar il-konservazzjoni tal-għasafar selvaġġi (id-Direttiva dwar l-Għasafar);(iv) Id-Direttiva 2001/42/KE dwar l-istima tal-effetti ta' ċerti pjanijiet u programmi fuq l-ambjent (id-Direttiva dwar il-Valutazzjoni Ambjentali Strateġika);(v) il-Konvenzjoni dwar il-Patrimonju Dinji, il-Konvenzjoni Ewropea dwar il-Protezzjoni tal-Wirt Arkeoloġiku (Riveduta), il-Konvenzjoni Ewropea dwar il-Pajsaġġ u l-Konvenzjoni ta' Aarhus.Il-petizzjonanta ressqet ilment quddiem il-Kummissjoni Ewropea fis-17 ta' Jannar 2019, u tehmeż rendikont dettaljat u fil-fond ta' dan l-ilment mal-petizzjoni, bħala dokument ta' sostenn.