F'isem IPPOTHESIS, is-Soċjetà Pan-Ellenika għall-Benessri tal-Ekwini, dwar in-nuqqas ta' traċċabilità tal-ekwidi minħabba ksur tad-dritt tal-Unjoni mill-awtoritajiet Griegi 

Petition richtet sich an: Petitionsausschuss des Europäischen Parlaments

Il-petizzjonanta tiddenunzja ksur tad-dritt tal-Unjoni mill-Greċja minħabba n-nuqqas ta' konformità mar-Regolament ta' Implimentazzjoni tal-Kummissjoni (UE) 2015/262 tas-17 ta' Frar 2015 li jistabbilixxi regoli skont id-Direttivi tal-Kunsill 90/427/KEE u 2009/156/KE fir-rigward tal-metodi għall-identifikazzjoni tal-ekwidi (Regolament dwar il-Passaport Ekwin).Hija tallega wkoll li l-Greċja fil-passat naqset milli tikkonforma mar-Regolament tal-Kummissjoni (KE) Nru 504/2008 preċedenti fir-rigward tal-metodi għall-identifikazzjoni tal-ekwidi, li kien ilu japplika mill-1 ta' Lulju 2009, u li tħassar b'effett mill-1 ta' Jannar 2016 meta daħal fis-seħħ ir-regolament il-ġdid.Fis-17 ta' April 2019, il-petizzjonanta ressqet ukoll ilment quddiem il-Kummissjoni Ewropea (CHAP (2019)01176) għal ksur tar-Regolament ta' Implimentazzjoni (UE) 2015/262 mill-Ministeru Grieg għall-Agrikoltura u kwalunkwe awtorità oħra involuta.