F'isem il-Kumitat tal-Impjegati ta' dik li qabel kienet Nuova Siet, fis-sit ta' Taranto, dwar il-qtugħ fil-pagamenti tal-kontribuzzjonijiet tal-assigurazzjoni soċjali, għad-detriment tal-impjegati ta' kumpanija li tappartjeni għall-kumpanija alleata ILVA, Taranto 

Il-petizzjonant jiddeskrivi l-litigazzjoni kriminali u ċivili fit-tul dwar il-ksur kemm tad-drittijiet tas-sigurtà soċjali kif ukoll tad-drittijiet fundamentali, bħad-dritt għas-saħħa, tal-ħaddiema u l-familji tagħhom, f'dik li qabel kienet il-"Nuova Siet", kumpanija tat-trasport li ġiet inkorporata fis-sistema tal-produzzjoni tal-ILVA. Il-ħaddiema kkonċernati baqgħu kontinwament taħt kuntratt, minkejja d-diversi trasferimenti jew tibdil fil-maniġment. B'mod partikolari, il-petizzjonant jilmenta dwar in-nuqqas min-naħa tal-Istitut Nazzjonali responsabbli għas-Sigurtà Soċjali (INPS) li jirrikonoxxi l-kopertura tal-assigurazzjoni soċjali kontributorja li l-ILVA qatt ma ħallset fil-każ ta' madwar 200 impjegat, u jitlob lill-INPS jagħmel tajjeb għad-defiċjenza fl-intitolamenti tal-pensjoni tagħhom.