F'isem il-Federazzjoni Dinjija tat-Trade Unions, dwar l-impjanti tal-faħam fi Franza 

Petition addressed to: Petitionsausschuss des Europäischen Parlaments

Il-petizzjonant, f'isem il-Federazzjoni Dinjija tat-Trade Unions, jirreferi għad-dikjarazzjoni tal-President Macron biex jingħalqu l-impjanti tal-faħam sal-2022. Il-petizzjonant isostni li dan l-objettiv mhux se jkollu impatt kbir fuq l-ambjent, u jenfasizza din id-deċiżjoni abbażi tal-politiki differenti segwiti fi Stati Membri oħra tal-UE. Il-petizzjonant isostni li l-emissjonijiet tas-CO2 mill-impjanti tal-faħam jirrappreżentaw 1 % mill-emissjonijiet kollha tas-CO2. Il-petizzjonant jenfasizza wkoll il-konsegwenzi l-oħra tal-abolizzjoni, bħaż-żieda fil-prezzijiet tal-elettriku, id-dipendenza ta' Franza fuq riżorsi tal-enerġija alternattivi minn reġjuni mifnija bil-kunflitti u t-telf ta' aktar minn 5000 pożizzjoni fis-suq tax-xogħol. Il-petizzjonant jitlob moratorju fuq id-deċiżjoni għall-impjanti tal-faħam għaliex kwalunkwe proġett għall-iżvilupp tal-industrija jeħtieġ mill-anqas 4 jew 5 snin biex jiġi stabbilit, u jiġi evitat katastrofu soċjali.