F'isem Deutscher Eisenbahn-Freunde e.V. (Ħbieb Ġermaniżi tas-Soċjetà tal-Ferroviji), dwar emenda għal-liġi dwar it-taxxa fuq il-fatturat għal mezzi ta' trasport differenti fit-traffiku turistiku 

Petition addressed to: Petitionsausschuss des Europäischen Parlaments

Il-petizzjonant jipproponi li jiġu applikati rati differenti tat-taxxa għall-ivvjaġġar bl-ajruplan, bix-xarabank u bil-ferrovija fi ħdan l-UE, abbażi tad-Direttiva 2006/112/KE dwar is-sistema komuni tat-taxxa fuq il-valur miżjud. Il-forniment tat-trasport ferrovjarju jista' jiġi intaxxat b'rata aktar baxxa mill-Istati Membri, u jista' jiġi eżentat mit-taxxa fuq il-fatturat sal-aħħar tal-2029. Waħda mir-raġunijiet mogħtija mill-petizzjonant hija li l-ivvjaġġar bil-ferrovija huwa l-uniku mezz ta' trasport li għandu aktar minn 100 sena ta' esperjenza fl-elettromobbiltà. Huwa jsostni li l-elettriku ekoloġiku diġà jirrappreżenta proporzjon kbir tal-elettriku li jintuża llum il-ġurnata. Barra minn hekk, l-enerġija speċifika li tintuża għal kull persuna li tivvjaġġa bil-ferrovija hija baxxa, minħabba l-għadd kbir ta' sits f'kull vagun. Madankollu, il-petizzjonant jenfasizza li l-investiment fl-ivvjaġġar bil-ferrovija huwa baxx ħafna f'xi Stati Membri, minħabba l-ispejjeż għolja tal-infrastruttura.