Dwar l-iżviluppi reċenti relatati mar-riċerka dwar il-plaċenta 

Ansökan riktad till: Petitionsausschuss des Europäischen Parlaments

Il-petizzjonant qed isegwi mill-qrib l-influwenza potenzjali tan-nuqqasijiet tal-plaċenta fuq l-iżvilupp ulterjuri tat-tarbija li tkun għadha fil-ġuf, bħal mard mentali u mard ieħor irreversibbli. Huwa żviluppa dan l-interess abbażi tal-esperjenzi personali li għadda minnhom u sar espert fir-riċerka dwar il-plaċenta mill-esperjenza tiegħu stess. Huwa jsemmi li fl-Istati Uniti, riċerka rilevanti ħafna wasslet għal konklużjonijiet notevoli u huwa jħeġġeġ lill-UE u lill-Istati Membri jappoġġjaw tali riċerka u jqisu r-riżultati li nkisbu fl-Istati Uniti fl-Ewropa peress li dan jista' jwassal għal kura aħjar ta' qabel it-twelid u jiġi evitat li l-bnedmin isofru bla bżonn. Huwa jissuġġerixxi li l-UE jenħtieġ li tikkoordina r-riċerka aħjar.