Dwar l-għoti tad-dritt lill-avukati Ewropej li jawtentikaw dokumenti privati u pubbliċi b'postilla 

Petition addressed to: Petitionsausschuss des Europäischen Parlaments

Il-petizzjonant jistieden lill-UE tagħti lil-avukati Ewropej id-dritt li jawtentikaw dokumenti privati u pubbliċi b'postilla. Huwa jiġġustifika t-talba tiegħu bil-Konvenzjoni u d-Direttivi tal-UE li ġejjin:(i) il-Konvenzjoni dwar l-Apostille (Il-Konvenzjoni tal-Aja tal-5 ta' Ottubru 1961 li Tabolixxi r-Rekwiżit ta' Legalizzazzjoni għad-Dokumenti Pubbliċi Barranin), li l-Istati Membri kollha tal-UE huma firmatarji tagħha;(ii) id-Direttiva 98/5/KE tal-Parlament Ewropew u tal-Kunsill tas-16 ta' Frar 1998 sabiex tkun iffaċilitata l-prattika tal-professjoni ta' avukat fuq bażi permanenti fl-Istati Membri minbarra dak fejn kienet miksuba l-kwalifikazzjoni;(iii) id-Direttiva tal-Kunsill 77/249/KEE tat-22 ta' Marzu 1977 biex jiġi ffaċilitat l-eżerċizzju effettiv tal-libertà biex jiġu pprovduti servizzi minn avukati;(iv) id-Direttiva 2005/36/KE tal-Parlament Ewropew u tal-Kunsill tas-7 ta' Settembru 2005 dwar ir-Rikonoxximent ta' Kwalifiki Professjonali.