Dwar l-allegata konfiska mid-dwana Griega ta' vetturi li jkollhom pjanċa tar-reġistrazzjoni barranija  

Petition addressed to: Petitionsausschuss des Europäischen Parlaments

Il-petizzjonant jallega li l-liġi Griega 2960/2001 (kodiċi doganali nazzjonali) tmur kontra d-dritt tal-Unjoni. Huwa jallega, b'mod partikolari, li d-dwana u l-pulizija Griegi ta' spiss jipproċedu għall-konfiska diretta ta' vetturi bil-mutur li jkollhom pjanċi tar-reġistrazzjoni barranin u/jew jissottomettu liċ-ċittadini Griegi u ċittadini oħra tal-UE għal verifiki sproporzjonati u umiljanti, filwaqt li xi drabi jimponu multi li jistgħu jlaħħqu l-EUR 20 000. Il-petizzjonant jiddeplora wkoll il-piż amministrattiv li jitpoġġa fuq iċ-ċittadini Griegi u ċittadini oħra tal-UE sabiex jagħtu prova li huma l-utenti leġittimi tal-vetturi rreġistrati barra mill-pajjiż u, barra minn hekk, sabiex jagħtu prova li huma jgħixu barra mill-pajjiż għal mill-inqas 185 jum fis-sena. Il-petizzjonant jallega wkoll ksur tar-Regolament GDPR (UE) 2016/679 mill-postijiet fil-fruntiera tad-dwana Griega fil-ħżin u l-ipproċessar ta' data personali.