Dwar ix-xiri u s-sewqan ta' karozza fl-Irlanda b'rota tal-istering fuq in-naħa tax-xellug  

Il-petizzjonant jgħix fl-Irlanda u jrid jixtri karozza b'kirja ta' 5 snin mingħand Peugeot Bulgaria. L-Irlanda stabbiliet restrizzjonijiet li jxekklu liċ-ċittadini milli jixtru karozza f'pajjiż ieħor u jsuquha fl-Irlanda, sakemm ma jħallsux it-Taxxa fuq ir-Reġistrazzjoni tal-Vetturi (VRT). Il-petizzjonant ma jistax ibiddel il-pjanċa tan-numru Bulgaru u jħallas il-VRT billi l-karozza tibqa' l-proprjetà tal-kumpanija tal-kiri matul iż-żmien tal-kuntratt. Il-petizzjonant għalhekk ipprova jixtri l-karozza Peugeot fl-Irlanda, iżda jallega li ġie infurmat li n-negozjanti tal-karozzi ma jistgħux ibiegħu jew jordnaw karozza b'rota tal-istering fuq in-naħa tax-xellug. Il-petizzjonant jemmen li d-drittijiet tal-konsumatur tiegħu bbażati fuq il-leġiżlazzjoni tal-UE ġew miksura.