Dwar is-suppożizzjoni tal-ħabi tal-użu ħażin tal-fondi Ewropej u l-qerda tal-bhejjem Bulgari 

Il-petizzjonant jiddenunzja l-qtil arbitrarju tal-bhejjem f'ċerti reġjuni fir-Repubblika tal-Bulgarija fuq il-pretest ta' kontaminazzjoni bil-pesta. Il-petizzjonant jemmen li l-miżuri adottati huma sproporzjonati - jiġifieri l-ewtanażja, l-arrest ta' persuni li jiddefendu d-dritt għall-ħajja tal-annimali u ajruplani li jisprejjaw vaċċini fuq iż-żona. Dawn il-vaċċini joħolqu antikorpi fl-annimali, li aktar tard jintużaw bħala prekundizzjoni biex dawn jinqatlu. Ġie allegat li rappreżentanti tal-Kummissjoni Ewropea żaru ż-żoni milquta iżda l-ebda persuna lokali fil-fatt ma ltaqgħet magħhom. Skont il-petizzjonant, l-ewtanażja amministrata ta' annimali b'saħħithom hija mod kif jinħeba numru kbir ta' bhejjem, allegatament mhux eżistenti, li għalih State Fund Agriculture - Paying Agency, ipprovdiet ammont kbir ta' sussidji. Sadanittant, meta l-persuni affettwati rrikorrew għall-Qorti biex jikkontestaw l-ordni ta' ewtanażja, il-Qorti ċaħdet il-ġustizzja għar-raġuniijiet li l-ordni mogħtija mill-Aġenzija Bulgara għas-Sikurezza tal-Ikel mhijiex soġġetta għal appell.