Dwar in-nuqqas ta' rikonoxximent ta' lawrji mediċi maħruġa fil-Polonja, peress li allegatament ma jikkonformawx mad-Direttiva 2005/36/KE  

Petition addressed to: Petitionsausschuss des Europäischen Parlaments

F'Jannar 2019, il-gvern Pollakk adotta emenda għall-punt 5.1.1 tal-Anness V għad-Direttiva 2005/36/KE dwar ir-rikonoxximent ta' kwalifiki professjonali kif emendata mid-Deċiżjoni Delegata (UE) 2019/608 tal-Kummissjoni, filwaqt li impona rekwiżiti addizzjonali fil-konfront tat-tobba kollha li jixtiequ jeżerċitaw il-professjoni tagħhom fil-Polonja. Minbarra li dawn għandu jkollhom lawrja fil-mediċina, huma mistennija wkoll li jissodisfaw iż-żewġ rekwiżiti addizzjonali li ġejjin, li mhumiex inklużi fl-Artikolu 24 tad-Direttiva: l-eżami nazzjonali LEK u internship post-universitarju ta' 13-il xahar, li għandhom jitlestew fil-Polonja u fil-lingwa Pollakka. Madankollu, skont il-Ministeru Pollakk tas-Saħħa u l-Kamra Pollakka tat-tobba, ir-rekwiżiti minimi li għandhom jitqiesu minn Stati Membri oħra tal-UE meta jiġu rikonoxxuti lawrji mediċi li jinħarġu fil-Polonja, huma dawk inklużi fl-Artikolu 24 tad-Direttiva 2005/36/KE. Fl-opinjoni tal-petizzjonant, l-interpretazzjoni attwali tad-Direttiva tal-UE mill-gvern Pollakk tiddiskrimina b'mod ċar kontra l-gradwati minn pajjiżi oħra tal-UE: minħabba l-emenda għall-punt 5.1.1 tal-Anness V, bosta studenti internazzjonali kemm mill-pajjiżi tal-UE kif ukoll dawk barra mill-UE, li jkunu lestew programm ta' lawrja medika fil-Polonja, attwalment m'għandhom l-ebda dritt li jeżerċitaw il-professjoni tagħhom bħala tobba jew jiksbu liċenzja medika, la fil-Polonja u lanqas fi kwalunkwe pajjiż ieħor tal-UE.