Dwar il-possibbiltà li ċ-ċittadini tal-UE residenti fir-Renju Unit jieħdu sehem fl-elezzjonijiet tal-Parlament Ewropew wara l-Brexit  

Il-petizzjonanta hija ċittadina Daniża residenti fir-Renju Unit. Il-petizzjonanta tixtieq tikkontesta l-Elezzjonijiet Parlamentari Ewropej ta' Mejju 2019. Skont il-petizzjonanta, il-possibbiltà li tieħu sehem fl-elezzjonijiet li jmiss ġiet ostakolata b'riżultat tal-Brexit. Hija temmen li dan ixekkel id-drittijiet tagħha bħala ċittadina tal-UE peress li hija tallega li m'hemm l-ebda garanzija li r-Renju Unit se joħroġ mill-Unjoni Ewropea sa Marzu 2019. Il-petizzjonanta titlob lill-UE tipproteġi d-dritt tagħha biex tikkontesta l-elezzjonijiet bħala ċittadina Daniża, li attwalment tirrisjedi fl-UE. Hija tissuġġerixxi li l-UE tista' tagħti xi siġġijiet li r-Renju Unit se jħalli vakanti fil-Parlament Ewropew liċ-ċittadini tal-UE li jirrisjedu fir-Renju Unit.