Dwar il-libertà ta' moviment ta' tfal b'ġenituri sseparati wara l-Brexit 

Petition addressed to: Petitionsausschuss des Europäischen Parlaments

Il-petizzjonant jixtieq jiżgura li, wara l-Brexit, il-ġenituri waħedhom jew familjari ewlenin li jindukraw ta' minuri jkunu jistgħu jiċċaqilqu mir-Renju Unit jew jivvjaġġaw liberament fl-Ewropa mingħajr il-kunsens tal-ġenitur l-ieħor u mingħajr ordni tal-qorti li tippermettilhom jagħmlu dan. Il-petizzjonant jirrimarka li l-ġenituri li mhumiex il-familjari ewlenin li jindukraw ta' minuri jistgħu jisfurzaw lill-ġenitur l-ieħor jibqa' fir-Renju Unit anke fin-nuqqas ta' mezzi finanzjarji biex jappoġġjaw lilhom infushom bħala konsegwenza tal-Brexit (jiġifieri rilokazzjoni ta' impjegatur, telf ta' intitolament għax-xogħol jew is-sigurtà soċjali, eċċ.). Il-petizzjonant jirrimarka li l-litigazzjoni hija għalja u tieħu fit-tul u li mhux il-ġenituri kollha jkunu jistgħu jmorru fi qrati tal-familja u jiksbu permess biex joħorġu mir-Renju Unit, u dan ipoġġi lil familji vulnerabbli f'sitwazzjonijiet delikati ħafna u jmur kontra l-aħjar interessi tat-tfal ikkonċernati.