F'isem l-"Panhellenic Union of Employees in Hellenic Petroleum" (Unjoni Panellenika tal-Impjegati f'Hellenic Petroleum), dwar l-allegat ksur tad-dritt tal-Unjoni, b'mod partikolari tad-Direttiva 2004/25/KE dwar offerti ta' xiri, fil-proċedura tal-offerti għall-bejgħ tal-kapital tal-ishma ta' "Hellenic Petroleum S. A."(HELPE) 

Il-petizzjonant iqajjem dubju dwar il-validità tal-proċedura tal-offerti għall-bejgħ tal-kapital tal-ishma ta' "Hellenic Petroleum S. A."(HELPE) u l-konformità tagħha mad-Direttiva 2004/25/KE dwar offerti ta' xiri, b'mod partikolari d-dispożizzjonijiet relatati ma' prinċipji ġenerali, il-protezzjoni ta' azzjonisti f'minoranza, l-offerta obbligatorja u l-prezz raġonevoli, l-informazzjoni dwar l-offerti u l-informazzjoni mogħtija lir-rappreżentanti tal-impjegati u l-konsultazzjoni magħhom.B'riżultat ta' dan, il-petizzjonant jiddenunzja n-nuqqas ta' trasparenza fil-proċedura tal-offerti u jsostni li hemm ksur tad-dritt tal-Unjoni u tal-politika tal-UE fl-oqsma tal-enerġija, is-sikurezza tal-enerġija u r-relazzjonijiet mal-pajjiżi terzi, kif ukoll tal-protezzjoni tal-azzjonisti u tal-impjegati.