F'isem il-Federazzjoni tal-Operaturi tat-Trasport Rumeni, dwar l-allegat ksur tal-leġiżlazzjoni tal-UE mir-Rumanija fil-qasam tas-servizzi tat-trasport pubbliku għall-passiġġieri bit-triq  

Petition addressed to: Petitionsausschuss des Europäischen Parlaments

Il-petizzjonant isostni li l-leġiżlazzjoni Rumena dwar is-servizzi tat-trasport pubbliku tal-passiġġieri bit-triq tikser il-leġiżlazzjoni tal-UE minħabba li, fost affarijiet oħra, tippermetti lill-korpi pubbliċi jagħtu drittijiet esklużivi tat-trasport lill-operaturi tal-għażla tagħhom mingħajr ma jiffirmaw kuntratti ta' servizzi pubbliċi u mingħajr ma jistabbilixxu kriterji tal-għoti ċari, oġġettivi u mhux diskriminatorji. Barra minn hekk, il-leġiżlazzjoni Rumena allegatament ma tipprovdix rimedji effettivi u tippermetti li l-liċenzja tat-trasport tinħareġ minkejja li tkun ikkontestata fil-qorti, bi ksur tad-Direttiva tal-Kunsill 89/665/KEE.