Dwar uffiċjali ġudizzjarji privati u l-allegat ksur fl-applikazzjoni tal-liġi fil-proċedura ta' infurzar  

Il-petizzjonant jilmenta dwar l-uffiċjali ġudizzjarji privati fil-Bulgarija li, fl-opinjoni tiegħu, ma jirrispettawx id-dispożizzjonijiet tal-leġiżlazzjoni Bulgara u Ewropea, jiksru d-drittijiet tad-debituri u ma jirispettawx id-deċiżjonijiet ġudizzjarji. Huwa jindika n-nuqqas ta' kontroll effettiv tal-azzjonijiet tagħhom mill-istituzzjonijiet interni, li bil-liġi, għandhom ikunu r-responsabbiltà tal-Kamra tal-Uffiċjali Ġudizzjarji Privati u tal-Ispettorat tal-Ministeru tal-Ġustizzja. Fil-każ tiegħu, l-għemejjel ħżiena tal-uffiċjali ġudizzjarji kienu jikkonsistu fl-imblukkar tal-kontijiet bankarji kollha tiegħu, biex tiġi rkuprata s-somma mitluba mill-kontijiet bankarji f'diversi okkażjonijiet, u biex jinżamm l-ammont irkuprat mill-kontijiet bankarji. Huwa kellu jirrimborża l-pagament eċċessiv u l-kontijiet bankarji tiegħu ġew ippreservati għal xhur sħaħ, għalkemm il-proċeduri ta' infurzar twaqqfu u l-ammonti ġew irkuprati u ttrasferiti lill-kreditur.