Dwar problemi bl-ivvjaġġar mill-Istati Membri u d-dħul fit-Turkija 

Pétition adressée à : Petitionsausschuss des Europäischen Parlaments

Il-petizzjonant jiddeskrivi l-problemi li huwa u ċittadini oħra tal-UE jħabbtu wiċċhom magħhom bħala ex ħaddiema barranin Torok meta jivvjaġġaw fl-Istati Membri tal-Ungerija, il-Kroazja, il-Bulgarija, il-Greċja u Stati li mhumiex membri tal-UE, bħas-Serbja u l-Maċedonja għat-Turkija u mat-tluq minn hemm. Minkejja l-fatt li ħafna mill-konċittadini tiegħu għandhom iċ-ċittadinanza ta' Stat Membru tal-UE, ħafna drabi jinżammu fil-fruntiera sa 12-il siegħa, b'mod partikolari fil-Bulgarija u l-Ungerija, u huma soġġetti għal kontrolli frekwenti tal-pulizija. Huma kapaċi jħaffu l-proċedura biss permezz ta' tixħim. Il-kontrolli tal-pulizija jsiru b'mod arbitrarju fi vjaġġi lejn il-Bulgarija, is-Serbja u l-Ungerija b'mod partikolari. Id-diżil huwa falsifikat u ż-żoni ta' servizz mhumiex sikuri. Jilmenta wkoll li jkollu jħallas dritt ta' EUR 3 imposta mit-Turkija meta jitlaq mill-pajjiż.