Dwar l-introduzzjoni ta' sistema uniformi ta' skontijiet fuq it-trasport pubbliku fl-UE għat-tfal u ż-żgħażagħ fil-qasam tal-edukazzjoni, irrispettivament min-nazzjonalità tagħhom 

Il-petizzjonant jargumenta li l-introduzzjoni ta' sistema uniformi ta' skontijiet għat-tfal u ż-żgħażagħ fil-qasam tal-edukazzjoni fl-Istati Membri kollha tipprevjeni d-diskriminazzjoni abbażi tan-nazzjonalità fi Stati Membri oħra. Huwa jipprovdi l-eżempju tal-Polonja, fejn skontijiet jingħataw biss lit-tfal u ż-żgħażagħ li għandhom karta tal-identità maħruġa minn skejjel Pollakki jew skejjel barranin li jgħallmu bil-lingwa Pollakka, u l-eżempju tal-Kroazja, fejn skontijiet għaż-żgħażagħ u t-tfal ivarjaw f'perċentwal skont in-nazzjonalità tagħhom (tfal u żgħażagħ Kroati jħallsu 5 % inqas). Il-petizzjonant jitlob lill-Parlament juża inizjattiva leġiżlattiva indiretta biex iħeġġeġ lill-Kummissjoni tindirizza din il-kwistjoni fil-forma ta' abbozz ta' direttiva.