Dwar l-implimentazzjoni tad-Direttiva 2004/38/KE fin-Norveġja 

Il-petizzjonant, membru tal-familja ta' ċittadin tal-UE, isostni li n-Norveġja ma tapplikax kif suppost id-Direttiva 2004/38/KE dwar id-drittijiet taċ-ċittadini tal-Unjoni u tal-membri tal-familja tagħhom biex jiċċaqilqu u jgħixu liberament fit-territorju tal-Istati Membri, peress li ż-żmien ta' stennija għall-ipproċessar ta' applikazzjoni għal karta ta' residenza huwa twil wisq. Il-petizzjonant għandu liċenzja biex jipprattika bħala speċjalista fl-ortodonzja fin-Norveġja, iżda mhuwiex jitħalla jiftaħ kont tal-bank sakemm jikseb karta ta' residenza. Huwa ma jistax japplika għal permess tax-xogħol għall-istess raġunijiet. Huwa jitlob lill-Kumitat jivverifika mal-Kummissjoni jekk ir-regoli tal-UE dwar il-moviment liberu tal-persuni humiex applikati korrettament.