Dwar ir-reviżjoni tal-lista tal-pjanti ospitanti biex tiġi miġġielda l-infestazzjoni tas-susa Asjatika (ALB) fil-Ġermanja 

Il-petizzjonanta ssostni li, fil-belt ta' oriġini tagħha ta' Miesbach, siġar komuni tal-fagu u tal-lajm qed jitqaċċtu minħabba suspett ta' infestazzjoni mill-ALB. Hija ssostni li dan qed isir ukoll f'żoni ta' importanza storika u kulturali. Fl-opinjoni tagħha, ir-rapporti xjentifiċi għat-tfassil tal-lista tal-pjanti ospitanti, mill-Istitut Julius Kühn, li abbażi tagħhom ġie ordnat it-tqaċċit, huma skaduti jew inkorretti, peress li mkien ma hemm evidenza li l-ispeċijiet tas-siġar imsemmija ġew infestati. Il-petizzjonanta ssostni wkoll li d-deroga li tipprevedi li pjanti ta' valur partikolari għas-soċjetà, għall-kultura jew għall-ekoloġija jistgħu jiġu eżentati, mhijiex qed tiġi osservata. Għalhekk, il-petizzjonanta qed titlob biex il-lista tal-pjanti ospitanti tiġi riveduta. Hija tikkwota letteratura speċjalizzata u fl-istess ħin tiżvela l-iżbalji li fiha.