Dwar il-kostruzzjoni ta' impjant tal-kompost biex jiġi ttrattat l-iskart solidu 

Petition addressed to: Petitionsausschuss des Europäischen Parlaments

Il-petizzjonant jilmenta dwar l-istabbiliment ta' impjant għat-trattament ta' skart organiku miġbur separatament (FORSU), li diġà kien awtorizzat u ffinanzjat taħt il-Programm Operazzjonali Reġjonali ta' Apulia (2014-20). B'mod partikolari, il-petizzjonant jiddikjara li l-impjant futur mhuwiex se jikkonforma mar-rekwiżiti dwar distanzi minimi mid-djar (2 km) u minn siti sensittivi bħal skejjel (2.5 km) u li jista' jinterferixxi mal-produzzjoni fil-viċinanza ta' inbid ta' kwalità għolja (Primitivo di Manduria). Il-petizzjonant jallega ksur tal-Artikolu 168 TFUE dwar is-saħħa pubblika u d-Direttiva 2008/98/KE dwar l-iskart fir-rigward tal-protezzjoni tas-saħħa tal-bniedem u l-ambjent, u jitlob lill-UE biex tintervjeni.