Petition is addressed to: Petitionsausschuss des Europäischen Parlaments

Il-petizzjonant huwa tal-opinjoni li r-regoli attwali dwar il-maskli kontra t-tniġġis u l-allerġiji li jintużaw f'bosta pajjiżi matul l-istaġun tat-tisħin fix-xitwa u dak tal-polline għandhom jiġu riveduti. Attwalment, dawn huma koperti mir-Regolament (UE) 2016/425 tal-Parlament Ewropew u tal-Kunsill tad-9 ta' Marzu 2016 u kklassifikati bħala tagħmir ta' protezzjoni personali ta' kategorija III. Qabel il-ħruġ ta' ċertifikat ta' konformità jridu jitwettqu diversi testijiet għaljin u li jieħdu ħafna żmien u l-iċken anomaliji jirriżultaw fil-fatt li l-ispejjeż tat-testijiet jgħaddu għand l-importaturi. Il-petizzjonant jemmen li l-klassifikazzjoni attwali hija xierqa għall-maskli protettivi li jintużaw waqt ix-xogħol iżda mhux għall-maskli maħsuba li jintużaw għal perjodu qasir u għal fini personali, bħall-maskli kontra t-tniġġis jew l-allerġiji. Għalhekk, huwa jemmen li l-istandards li jirregolaw dawn il-maskli jenħtieġ li jinbidlu. B'riżultat ta' dan, is-suq se jsir aktar kompetittiv u l-prodotti stess se jsiru aktar disponibbli għal utenti oħra, pereżempju għan-nisa tqal u t-tfal.