Dwar appoġġ lill-minorenni mhux akkumpanjati fil-kampijiet tar-rifuġjati 

Petition richtet sich an: Petitionsausschuss des Europäischen Parlaments

Il-petizzjonant jistieden lill-Parlament iħeġġeġ lill-Kummissjoni u lill-Istati Membri jappoġġjaw lill-minorenni mhux akkumpanjati li jaslu fl-UE bħala rifuġjati. Huwa jissuġġerixxi li dawn il-miżuri ta' appoġġ għandhom jinkludu: il-ħolqien ta' ċentri speċjali għall-minorenni li jkunu separati minn ċentri tar-rifuġjati għall-adulti, fejn it-tfal jitqiegħdu għal massimu ta' ġimagħtejn u mbagħad jittieħdu fi djar residenzjali; għajnuna medika u psikoloġika kif ukoll edukazzjoni; it-trasferiment ta' minorenni mhux akkumpanjati mill-fruntieri lejn l-Istati Membri fejn dawn ikunu jistgħu jirċievu permess ta' residenza. Huwa jissuġġerixxi wkoll li tiġi organizzata seduta ta' smigħ mal-Istati Membri kkonċernati, l-UNHCR u l-NGOs kif ukoll li jiġi stabbilit programm ta' finanzjament speċifiku biex jittejbu l-kundizzjonijiet tal-minorenni mhux akkumpanjati.