Dwar it-tnaqqis tal-impatt ambjentali permezz tat-telexogħol 

Petition addressed to: Petitionsausschuss des Europäischen Parlaments

Il-petizzjonanta titlob li jiġi promoss u ssussidjat it-telexogħol fil-funzjonijiet tal-IT u dawk amministrattivi. Il-petizzjonanta hija tal-fehma li t-telexogħol inaqqas l-użu tal-karozzi, tax-xarabanks u tal-ferroviji u konsegwentement inaqqas it-tniġġis ambjentali. Bliet bħal Madrid, fejn hemm bosta impjiegi amministrattivi u fejn, fl-opinjoni tagħha, il-preżenza fl-uffiċċju mhijiex meħtieġa, jibbenefikaw minn miżura bħal din. Skont il-petizzjonanta, it-telexogħol iġib miegħu diversi vantaġġi bħal anqas ħtieġa għall-gvern li jinvesti fil-ferroviji, titjib fis-sodisfazzjon tal-impjegati minħabba ħajja tal-familja aħjar, anqas infiq għall-ispejjeż tat-trasport, tnaqqis fl-għadd ta' żoni depopolati u regolarizzazzjoni tal-prezzijiet tal-kiri fl-ibliet. Il-kumpaniji għandhom jingħataw sussidju jekk jilħqu limitu minimu ta' telexogħol jew jiġu ppenalizzati talli ma jilħqux dak il-limitu.