F'isem Stichting Pierre Robin Europe, dwar il-ħtieġa ta' proċedura ta' ksur kontra Franza għall-ksur tal-liġi tal-UE dwar il-kura tas-saħħa transfruntiera 

Il-petizzjonant jitlob lill-PE jirrakkomanda lill-Kummissjoni tagħti bidu għal proċedura ta' ksur kontra Franza talli għamlet ostakli mhux ġustifikati biex iżżomm pazjenti b'mard rari milli jiksbu kura tas-saħħa transfruntiera, filwaqt li jsostni li d-Direttiva 2011/24/UE dwar l-applikazzjoni tad-drittijiet tal-pazjenti fil-qasam tal-kura tas-saħħa transkonfinali mhix qed tiġi implimentata u użata b'mod korrett. B'mod ġenerali, huwa jsostni li l-pazjenti b'mard rari għandhom jingħataw prijorità fl-aċċess għall-kura tas-saħħa tal-UE peress li jeħtieġu kura speċjalizzata ħafna u tobba li ma jkunux jistgħu jinstabu fil-livell lokali.