F'isem "Movimento 5 Stelle", b'2 firem, kontra l-proġett għall-estensjoni ta' kumpless tax-xiri f'Cinisello Balsamo (Milan) 

Petition addressed to: Petitionsausschuss des Europäischen Parlaments

Il-petizzjonanti jikkundannaw l-impatt diżastruż tal-estensjoni ppjanata ta' kumpless tax-xiri (centro commerciale Auchan) f'Cinisello Balsamo, flimkien mal-adozzjoni ta' modifika fil-pjan ta' tqassim f'żoni mingħajr valutazzjoni tal-impatt ambjentali preliminari. Dawn iwissu kontra l-konsegwenzi tal-bini ta' "Nuova porta Nord" fuq il-kwalità tal-arja u l-konġestjoni tat-traffiku fil-Provinċja ta' Milan. Dawn jindikaw li proġett kbir bħal dan (li jinkludi planetarju, multiplessi, galleriji b'passaġġ, eċċ.) żgur li se jikkontribwixxi għall-aggravar tal-istandards tal-kwalità tal-arja ħżiena fil-Provinċja ta' Milan, fejn il-livell tas-sustanzi li jniġġsu fl-arja għadu 'l fuq sew mill-valuri ta' limitu stabbiliti mil-leġiżlazzjoni tal-UE dwar il-kwalità tal-arja. F'dan ir-rigward, il-Lombardija huwa wieħed mill-aktar reġjuni bi klassifika ħażina fl-Ewropa tal-Punent. Fil-fehma tagħhom, jekk ix-xogħlijiet ma jitwaqqfux, dawn żgur li se jikkompromettu l-kondizzjonijiet tal-għajxien fiż-żona f'termini ta' konġestjoni tat-traffiku, trasformazzjoni tal-art u l-protezzjoni ambjentali u tas-saħħa pubblika.