F'isem AGADEN (Asociación gaditana para la Defensa y Estudio de la Naturaleza), dwar skariki ta' effluwent mhux trattat fis-SIK "Estrecho Oriental"  

Il-petizzjonant jikkundanna l-iskariku tal-effluwent f'Ġibiltà, fiż-żona magħrufa bħala "punt l-Europa", li hija żona li ġiet iddikjarata SIK (Estrecho Oriental ES6120032). Skont il-petizzjonant, dawn l-iskariki jseħħu kuljum u qed iniġġsu serjament dan is-SIK tal-baħar. Ġibiltà ilha 21 sena tiskarika drenaġġ mhux trattat b'mod illegali. Il-petizzjonant jilmenta li, għalkemm, fl-4 ta' Mejju 2017, il-Qorti tal-Ġustizzja tal-Unjoni Ewropea fetħet proċedura ta' ksur minħabba n-nuqqas ta' trattament tal-ilma urban mormi f'Ġibiltà, dak il-pajjiż għadu qed jikser id-Direttiva 91/271/KEE.