Dwar l-effetti tad-dwal tat-toroq LED fuq l-insetti  

Il-petizzjonant isostni li d-dwal tat-toroq LED ta' ċerti parametri, li bħalissa qed jiġu installati fil-bliet, jattiraw u jikkawżaw il-mewt massiva ta' insetti. Huwa jikkwota riċerka li turi li l-mortalità tal-insetti hija 90 % ogħla meta mqabbla mal-bozoz użati fis-snin 60. Huwa jsostni li l-estinzjoni ta' insetti bijoloġikament importanti hija irriversibbli u għandha impatt importanti fuq l-ekosistemi. Huwa jitlob li jkun hemm finanzjament mill-UE għall-bliet sabiex ibiddlu d-dwal tat-toroq b'lampi li ma jkunux ta' ħsara għall-insetti u jappella għal liġi tal-UE li tistabbilixxi reġim ta' ċertifikazzjoni għad-dwal tat-toroq li ma jagħmlux ħsara lill-insetti.