Dwar it-tifi tat-trażmettituri tax-xandir mill-ġdid użati għas-sinjali televiżivi terrestri 

Il-petizzjonant huwa tal-fehma li t-trażmissjoni tas-sinjali televiżivi permezz tar-raġġi tar-radju hija superfluwa u ta' ħsara għall-ambjent u s-saħħa. Skontu, jekk it-trażmettituri tax-xandir mill-ġdid tat-televiżjoni fl-Ewropa – bl-installazzjonijiet rilevanti tagħhom – li jistgħu jaqbdu ma' tal-ewwel permezz ta' pontijiet tar-radju, jintfew, dan ikun ta' benefiċċju kbir f'termini ta' ffrankar ta' enerġija u inqas tniġġis mill-kampi elettromanjetiċi, kif ukoll f'termini ta' protezzjoni tal-ambjent u s-saħħa. Għaldaqstant, il-petizzjonant jitlob li tittieħed azzjoni biex jissaħħaħ l-infurzar tad-Direttiva 2014/61/UE dwar miżuri biex tonqos l-ispiża għall-installazzjoni ta' netwerks tal-komunikazzjoni elettronika b'veloċità għolja u tad-Direttiva 2013/35/UE dwar ir-rekwiżiti minimi tas-saħħa u s-sigurtà li jirrigwardaw l-esponiment tal-ħaddiema għar-riskji li jinħolqu minn aġenti fiżiċi (kampi elettromanjetiċi).