Petition is addressed to: Petitionsausschuss des Europäischen Parlaments

Il-petizzjonant, li indirizza l-petizzjoni tiegħu lill-Kummissarju għall-Affarijiet Interni, iqis li l-Unjoni Ewropea għandha tintervjeni biex issolvi s-sitwazzjoni drammatika mġarrba mill-migranti u l-persuni li jfittxu asil, speċjalment fil-Greċja u tul ir-rotta tal-Balkani. Il-petizzjonant qed jipprotesta kontra l-fatt li mhuwiex aċċettabbli li l-UE tippermetti li jinkisru d-drittijiet tal-bniedem u li t-tfal jiġu abbużati fi ħdan il-fruntieri tagħha mingħajr ma tieħu miżuri effettivi biex ittejjeb is-sitwazzjoni. Il-petizzjonant jitlob li kull azzjoni tal-pulizija fuq il-fruntieri tal-Istati Membri tkun ikkontrollata b'mod strett, filwaqt li tiġi kkundannata kwalunkwe azzjoni illegali min-naħa tagħhom, u li jiġu garantiti kundizzjonijiet ta' għajxien deċenti għal kull min huwa obbligat jgħix fiċ-ċentri ta' detenzjoni u l-insedjamenti tal-migranti.