Dwar ir-Regolament tal-UE dwar l-ispejjeż postali mal-UE kollha 

Il-petizzjonant jitlob li l-ispejjeż postali fi ħdan l-Unjoni jiġu rregolati b'tali mod li l-ħlasijiet postali jiġu kkalkulati abbażi tad-distanza, minflok abbażi tal-qsim tal-fruntieri. Il-petizzjonant jagħti l-eżempju ta' pakketti, li xi drabi biex tibgħathom jaf jiswew ħafna aktar flus bil-posta lejn belt fil-qrib fi Stat Membru ġar tal-UE, milli biex tibgħathom lejn destinazzjoni aktar 'il bogħod f'dak l-istess stat. Il-petizzjonant jitlob lill-istituzzjonijiet tal-Unjoni biex jgħaddu leġiżlazzjoni li tiżgura li l-ispejjeż postali jiġu imposti b'mod aktar armonjuż, meta mqabbla mal-qafas legali applikabbli għas-suq tat-telekomunikazzjonijiet u l-abolizzjoni assoċjata ta' tariffi tar-roaming.