Dwar il-ħtieġa ta' numru ta' identifikazzjoni personali u diskriminazzjoni taċ-ċittadini tal-UE mill-awtoritajiet Żvediżi 

Il-petizzjonant jiddenunzja d-diskriminazzjoni taċ-ċittadini tal-UE mill-awtoritajiet Żvediżi, li jagħmlu l-ħruġ ta' numru ta' identifikazzjoni tat-taxxa personali ("personnummer") diffiċli għaċ-ċittadini tal-UE li jgħixu fl-Iżvezja. Fil-fehma tal-petizzjonant, tali prattika inġusta tikser il-libertà ta' moviment taċ-ċittadini tal-UE. Il-petizzjonant jelenka ħafna diffikultajiet li ltaqa' magħhom fil-ħajja tiegħu ta' kuljum minħabba n-nuqqas ta' "personnummer".