Andragendet er rettet til: Petitionsausschuss des Europäischen Parlaments

Il-petizzjoni ġiet ippreżentata mill-Akkademja Ewropea tax-Xjenzi flimkien mal-Akkademji Iberjani u ġiet iffirmata minn sitt speċjalisti ewlenin fl-oqsma tar-riċerka, l-innovazzjoni u l-edukazzjoni. Il-petizzjonanti jqisu li l-programm "Orizzont Ewropa" huwa importanti ħafna għall-futur tax-xjenza u tar-riċerka fl-Unjoni Ewropea. Peress li l-Kummissjoni Ewropea u l-Parlament Ewropew għandhom rwol ewlieni fit-teħid ta' deċiżjonijiet dwar il-finanzjament tar-riċerka ta' dan il-programm, il-petizzjonanti jitolbu li ssir laqgħa mal-President Tajani. Huma jixtiequ jesprimu l-appoġġ qawwi tagħhom għall-proposta għad-9 Programm Qafas Ewropew għar-Riċerka u l-Innovazzjoni, "Orizzont Ewropa" (2021-2027), li għandu l-għan li jsaħħaħ l-Unjoni u jtejjeb l-impatt tagħha fuq it-tkabbir ekonomiku, il-benesseri, il-ħolqien tal-impjiegi u l-progress, u għall-proposta korrispondenti għall-allokazzjoni ta' mill-anqas EUR 100 biljun.