Dwar allegat ksur tad-drittijiet tal-bniedem u tal-libertajiet fundamentali mis-servizzi Ġermaniżi għall-protezzjoni taż-żgħażagħ 

Il-petizzjonanta ssostni li s-servizzi Ġermaniżi għall-protezzjoni taż-żgħażagħ qed ikasbru kwalunkwe kunċett ta' drittijiet tal-bniedem u libertajiet fundamentali. Hija tallega li l-qrati qed jiġu mmanipulati u mqarrqa minn stqarrijiet foloz u li s-servizzi għall-protezzjoni taż-żgħażagħ qed jiksru kull liġi immaġinabbli sabiex jilħqu l-objettivi tagħhom li jqiegħdu lit-tfal f'istituzzjonijiet jew taħt foster care, u qed jinjoraw totalment l-aħjar interessi tat-tfal. Għaldaqstant, il-petizzjonanta qed titlob li tittieħed azzjoni mill-Parlament Ewropew biex jinġiebu fit-tmiem it-tbatija kkawżata lit-tfal, id-diskriminazzjoni kontra l-ġenituri u l-manipulazzjoni tal-qrati.