By Sergio Santamaría Santigosa (Spanish) on the management of the COVID-19 crisis in Spain 

Petition addressed to: Petitionsausschuss des Europäischen Parlaments

Il-petizzjonant iqis li l-Parlament Ewropew għandu jinvestiga l-ġestjoni mill-awtoritajiet Spanjoli tal-kriżi tas-saħħa kkawżata mill-pandemija tal-COVID-19. Il-petizzjonant iqis li, minkejja l-fatt li l-Gvern ta' Spanja kien jaf bis-sitwazzjoni serja fiċ-Ċina u fl-Italja fi tmiem Jannar 2020; ma adotta l-ebda deċiżjoni politika li twissi liċ-ċittadini Spanjoli dwar ir-riskji għas-saħħa pubblika li seta' jikkawża t-tifrix tal-virus. Il-petizzjonant jinsisti li l-Gvern wasal saħansitra biex jimminimizza l-periklu billi ħeġġeġ, għall-kuntrarju tal-indikazzjonijiet xjentifiċi u internazzjonali, il-konċentrazzjoni tan-nies, bħal dawk żviluppati fit-8 ta' Marzu 2020, fil-Jum Internazzjonali tan-Nisa li Jaħdmu. Il-petizzjonant jallega li l-informazzjoni ġiet miżmuma għal raġunijiet ideoloġiċi u politiċi u għal interessi partiġġjani minflok ma ġie ggarantit l-interess ġenerali. Il-petizzjonant iqis li t-trasparenza u d-dritt għal informazzjoni tal-opinjoni pubblika Spanjola f'ċirkostanzi drammatiċi bħal dawn għandhom jipprevalu. Il-petizzjonant jindika li r-responsabilità politika u soċjali trid tkun iddefinita u li l-istituzzjonijiet Ewropej jeħtiġilhom jiżguraw is-saħħa u l-integrità fiżika u morali taċ-ċittadini tagħhom.