F'isem PETA tar-Renju Unit, PETA ta' Franza, PETA tal-Ġermanja u PETA tan-Netherlands, dwar moratorju fuq l-isperimentazzjoni fuq l-annimali 

Il-petizzjonanta titlob moratorju fl-UE kollha fuq l-użu ta' annimali fir-riċerka xjentifika sa meta l-valur ta' dawn l-esperimenti jkun ġie vvalutat u rikonoxxut. Hija targumenta li r-riċerka turi li l-isperimentazzjoni fuq l-annimali ftit li xejn ikkontribwiet għall-għarfien attwali dwar il-mard infettiv, id-disturbi newrodeġenerattivi, il-puplesiji, il-kanċer, u ħafna mard ieħor tal-bniedem. Skont il-petizzjonanta, il-futur tax-xjenza jinsab f'metodoloġiji mill-aktar avvanzati li ma jinvolvux l-annimali, bħal organi fuq ċippa, kulturi tridimensjonali tal-ġilda tal-bniedem, mikromudelli tal-moħħ u mudelli tal-kompjuter li jistgħu jbassru b'mod preċiż x'jiġri fil-bnedmin.